Express and Shout

Sharing the poem written in cebuano by Bartolome Daitol. It was written based on his life story.

Ang akong kinabuhi sama sa usa ka lusay
Permi mag usab-usab og padulngan
Apan bisan pa sa TANAN
Naa gihapon kasing-kasing na masakitan

Sa akong pagpanimpalad ning kalibutang malimbongon
Nakakab-ot kog dakong pagsulay na dili ikalimbong
Pagsulay diin ako nakapamalandong
Dili sayon ang magpuyo na kabos og sama sa ulipon

Usa ako ka mananagat sa usa ka isla sa kabisayaan
Na sa balod permi lng gipanamastamasan
Ang walay kaikog na unos sa hangin permi lng mokuso2 sa gamay namong gisakyan
Og ang haring adlaw walay kukaluoy nipagod sa akong kalawasan

Napadpad ako sa layong dapit para matambalan ang kauhaw sa kaalam,
Ang malipayong adlaw sa akong ginabuhi kauban ang akong mga ginikanan nahanaw lamang
Nagtrabaho kining binuhat samtang nagtuon
Para mahaw-as sa dakong bayranan og tuition

Apan sa pagpaningkamot,
Sa mga grasya gkan ni bathala ako nakakab-ot
Og karon malipayon og mapahiyomon
Og ni bathala mapasalamaton

Bisan pa sa mga grasya na nakab-ot
Walay hunong kining binuhat sa pagpaningkamot
Kay ang tanan lumalabay lamang
Og dili jd nato usik-usikan og angay pagaampingan

Dated:11/28/2009